विदेशी गुंतवणूक आणण्यात महाराष्ट्र ठरले अव्वल – उदय सामंत

प्रकल्प येताना राजकारण होऊ नये, राजकारण बाजूला ठेवून उद्योजकाला आपल्याकडे बोलावले पाहिजे, अशी आमची भूमिका असल्याचे त्यांनी सांगितले. रोजगार निर्मितीबरोबरच उद्योजक प्रशिक्षण देण्यात येणार आहे. गेल्या १५ महिन्यांत त्याची संख्या १३ हजार ५०० झाली आहे. कोकणात परफ्यूम, मॅंगोपार्क असे विविध उद्योग येत आहेत. तसेच विश्वकर्मा योजना लोकांच्या घरापर्यंत गेली पाहिजे, यासाठी एक चळवळ म्हणून राबविणार असल्याचे उद्योग मंत्री उदय सामंत यांनी सभागृहात सामंत यांनी सांगितले.

काय म्हणाले मंत्री…

• रायगडमध्ये विविध प्रकल्पांत ३५ हजार कोटीची गुंतवणूक
• करमोळी येथे तब्बल ५०० कोटी खर्चून देशात सर्वात मोठे कौशल्य विकास प्रशिक्षण केंद्र
• तर नागपूर, अमरावतीसह राज्याच्या सर्व जिल्ह्यात ५० कोटी खर्च करून स्किल सेंटर सुरू करणार.
• एका छत्राखाली परवानगी मिळावी या हेतूने १५ जिल्ह्यात उद्योग भवन बांधणार आहे.
• नैना प्रकल्पात स्थानिकांच्या सर्व समस्या सोडविण्याचे आश्वासन.

  गडचिरोलीची उद्योगनगरी म्हणून ओळख

  गडचिरोली जिल्ह्याकडे नजर वळविताना सारे नक्षग्रस्त म्हणून बघतात. मात्र येत्या काळात याच गडचिरोलीत मोठ्या प्रमाणात उद्योग येणार आहेत. लवकरच लॉईड कंपनी येत असून स्थानिकांना येथे नोकरीच्या संधी आहेत.यामुळे या जिल्ह्याची ओळख उद्योगनगरी अशी होणार आहे, असे मंत्री उदय सामंत म्हणाले.