बुलढाणा…
देशातील सर्वात मोठी पत्रकारांची संघटना असलेल्या व्हॉईस ऑफ मीडियाच्या वतीने पत्रकार दिनानिमित्त जिल्हाभर विविध कार्यक्रम आयोजित करण्यात आले आहेत. बुलढाणा शहरासह जिल्ह्यातील १३ तालुकाकेंद्रावर ४ ते १० जानेवारीदरम्यान हे कार्यक्रम होणार आहेत. जिल्हामुख्यालयी ४ जानेवारी रोजी सकाळी ११ वाजता जिल्हा पत्रकार भवनात कार्यक्रम होणार आहे. यासंबंधीची महत्वाची नियोजन बैठक आज,३० डिसेंबरला जिल्हा पत्रकार भवनात पार पडली.
व्हॉइस ऑफ मीडियाच्या वतीने पत्रकार दिनाच्या औचित्य साधून पत्रकारांसाठी विविध उपक्रमांचे आयोजन करण्यात आले आहे. याच निमित्ताने जिल्हा मुख्यालय बुलढाणा येथे चार जानेवारी विशेष कार्यक्रमाचे आयोजन करण्यात आले आहे. या कार्यक्रमात प्रशासकीय सेवेतून निवृत्त झालेल्या अधिकाऱ्यांचा सन्मान करण्यात येणार आहे. ज्येष्ठ पत्रकार तसेच उल्लेखनीय कामगिरी करणाऱ्या पत्रकारांच्या पाल्यांचा गुणगौरव देखील करण्यात येणार आहे. याशिवाय व्हॉइस ऑफ मीडियाच्या वतीने राबविण्यात आलेला आणि गतवर्षीचा अत्यंत महत्त्वपूर्ण ठरलेल्या पत्रकार व कुटुंबांच्या आरोग्य तपासणीच्या उपक्रमाची यावर्षी देखील आखणी करण्यात येणार आहे. त्याचे नियोजन देखील यावेळी वरिष्ठांच्या उपस्थितीमध्ये केले जाणार आहे. अर्जुन शेख कार्यक्रमाची घोषणा चार जानेवारी रोजी चा कार्यक्रमात केली जाणार आहे.
Users Today : 1