मेहकर:-01/05/2024
देशामध्ये होऊ घातलेल्या लोकसभा निवडणुकीच्या अंतर्गत देशात तिसऱ्या टप्प्याची लोकसभा निवडणूक पार पडत आहे. या अंतर्गत गुजरात प्रदेश काँग्रेस कमिटीचे प्रभारी तथा अखिल भारतीय काँग्रेस कमिटीचे सरचिटणीस खासदार श्री. मुकुलजी वासनिक साहेब यांच्या आदेशान्वये काँग्रेस पक्षाचे ज्येष्ठ नेते तथा महाराष्ट्र प्रदेश काँग्रेस कमिटीचे सरचिटणीस श्याम उमाळकर यांच्यावर गुजरात मधील वलसाड लोकसभा निवडणुकीच्या निरीक्षक पदाची जबाबदारी सोपविली आहे. या अगोदर सुद्धा श्याम उमाळकर यांच्यावर गुजरात मधील देहगम विधानसभा,त्यानंतर बिहारमधील किसनगंज विधानसभा,मध्यप्रदेश मधील दिंडोरी विधानसभा व तसेच नुकत्याच पार पडलेल्या तेलंगणामधील वायरा विधानसभा मतदारसंघाची निरीक्षक पदाची जबाबदारी सोपविण्यात आली होती.या निवडणुकीत 4 पैकी 3 ठिकाणी काँग्रेस पक्षाचे अधिकृत उमेदवार विजयी झाले होते हे विशेष. आज दिनांक 1 मे 2024 रोजी श्याम उमाळकर हे सदर जबाबदारी यशस्वीरित्या पार पाडण्याच्या दृष्टीने वलसाड मतदार संघाकडे रवाना झाले आहे. त्यांच्या या नियुक्तीने अनेक मान्यवरांनी त्यांना दूरध्वनी वरून शुभेच्छा दिल्या.