कवी सुनील मोरे यांची कवितेतून मतदान जनजागृती

सहज सोप्या रचनेतून ग्रामीण मतदारांना आवाहन

छत्रपती संभाजीनगर प्रतिनिधी गोकुळसिंग राजपूत

जामनेर तालुक्यातील पहूर येथील लोकसभा निवडणुक – २०२४ जळगाव जिल्हा परिषदेचे

स्विप जिल्हा नोडल अधिकारी  तथा उपमुख्य कार्यकारी अधिकारी ( ग्रा . पं.विभाग )

अनिकेत पाटील यांचे सहाय्यक सुनिल विश्वंभर मोरे  हे आपल्या काव्यरचनेतून मतदार जनजागृती करीत आहेत .

       ”तात्या दादा भाऊ

मिळूनी सारे मतदानाला जाऊ

आपण सगळे मतदानाला जाऊ “

अशा साध्या सहज रचनेतून ते मतदारांना मतदानासाठी जागृत करीत आहे .

जिल्हा परिषदेमधील  दैनंदिन कामाचा व्याप सांभाळून ते आपला काव्य छंद जोपासत आहेत.

यापूर्वीही त्यांनी स्त्रीभ्रूण हत्या , व्यसनमुक्ती , बालविवाह प्रतिबंध , पाणी वाचवा अशा विविध सामाजिक विषयांसह शासकीय योजनांवर काव्यरचना केल्या आहेत .

     त्यांच्या काव्य साधने बद्दल त्यांना, महाराष्ट्र शासनाकडून व विविध संस्थांकडे सन्मानित करण्यात आले आहे .

‘लेक वाचवा ‘ या कवितेचे पोस्टर्स तत्कालीन जिल्हाधिकारी रुबल अग्रवाल यांनी प्रकाशित करून जिल्हाभर त्यांनी जनजागृती केली आहे .

‘शासनाची विनंती सकल जनाला मतदानाला सगळे चला

तुम्ही सगळे मतदानाला चला ‘ ही  कविता सामान्य मतदारांमध्ये चांगलीच लोकप्रियता मिळवत आहे .

      “मला काव्यरचनेचा छंद असून कामाच्या व्यापातून वेळ काढत  मी कविता करीत असतो .मतदानाचा टक्का वाढावा ,  यासाठी प्रचार व जनजागृती प्रसिद्धी म्हणून ‘मतदानाला सारे चला ‘ काव्यरचना सादर केली .

कवी सुनिल विश्वंभर मोरे . ( सुमो ) पहूर

जिल्हा परिषद , जळगांव