Lonar :
तालुक्यातील Vazhar Aghav परिसरात बिबट्याची दहशत निर्माण झाली असून एका वासराची शिकार केल्याची घटना समोर आली आहे. या घटनेमुळे परिसरातील शेतकरी व ग्रामस्थांमध्ये भीतीचे वातावरण पसरले आहे.
मिळालेल्या माहितीनुसार, वझर आघाव येथील एका शेतकऱ्याच्या शेतात गहू काढण्याचे काम मशीनद्वारे सुरू होते. त्याच दरम्यान शेतात एक वासरू मृत अवस्थेत आढळून आले. वासराची शिकार झाल्याचे लक्षात येताच शेतकऱ्यांनी परिसरात पाहणी केली असता जवळच दबा धरून बसलेला Leopard त्यांच्या नजरेस पडला.
बिबट्या दिसताच शेतकऱ्यांनी आरडाओरड केली. आवाज होताच बिबट्याने तेथून पळ काढत जवळील मक्याच्या शेतात जाऊन लपल्याची माहिती मिळाली.
या घटनेची माहिती सरपंच संतोष साळवे यांनी Shivchhatra Mitra Mandal चे संस्थापक अध्यक्ष नंदकिशोर मापारी यांना दिली. त्यांनी तातडीने वन विभागाच्या अधिकाऱ्यांशी संपर्क साधून घटनास्थळाची पाहणी करून बिबट्याचा बंदोबस्त करण्याची मागणी केली आहे.
दरम्यान, या घटनेमुळे परिसरातील शेतकरी व ग्रामस्थांमध्ये भीतीचे वातावरण निर्माण झाले असून नागरिकांनी सतर्क राहावे, जनावरांची विशेष काळजी घ्यावी आणि बिबट्या दिसल्यास त्वरित वन विभागाला कळवावे, असे आवाहन करण्यात आले आहे.
Users Today : 33