जामनेर प्रतिनिधी गोकुळसिंग राजपूत
पहूर , ता . जामनेर ( ता . ७ ) रावेर लोकसभा मतदारसंघाच्या भाजप युतीच्या उमेदवार रक्षा खडसे यांनी पहूर येथे मतदारांशी संवाद साधला .
सायंकाळी पाच वाजता बस स्थानक येथे छत्रपती शिवाजी महाराज चौकातून प्रचार फेरीला सुरुवात झाली . पहूर पेठ , पहूर कसबे गावातून भाजपा कार्यकर्त्यांनी प्रचार रॅलीत सहभाग नोंदविला .
गावात ठिकठिकाणी त्यांचे स्वागत करण्यात आले . नुकतेच भाजपवासी झालेले माजी कृषी सभापती प्रदीप लोढा यांच्या निवासस्थानी त्यांनी भेट दिली . छाया लोढा , उज्वला लोढा , प्राची लोढा प्रांजल लोढा यांनी त्यांचे स्वागत केले .
प्रचार फेरीत राजधर पांढरे , राजू पाटील , अरुण घोलप , बाबुराव घोंगडे , शंकर जाधव , रामेश्वर पाटील , श्याम सावळे , वासुदेव घोंगडे , राजू जाधव , योगेश बनकर , शैलेश पाटील , योगेश भडांगे , चेतन रोकडे , गणेश जाधव यांच्या सह कार्यकर्ते मोठ्या संख्येने सहभागी झाले होते .