इंदूर: मध्य प्रदेशच्या इंदूरमध्ये एका महाविद्यालयीन तरुणानं आत्महत्या केली आहे. आत्महत्या करण्याआधी त्यानं महिलांप्रमाणे साडी नेसली होती, मेकअप केला होता. त्यानं एखाद्या वधूप्रमाणे हातात हिरव्या बांगड्या, कपाळावर कुंकू लावलेलं होतं. त्याचे दोन्ही हात बांधलेल्या अवस्थेत होते. त्याच्या डोळ्यांवर पट्टी बांधलेली होती. मृतदेहाजवळ बरंच रक्त सांडलेलं होतं. घटना भवर कुआ पोलीस ठाण्याच्या हद्दीतील शांती नगरमधील आहे.पुनीत दुबे असं मृत विद्यार्थ्याचं नाव आबे. तो रायसेनचा रहिवासी होता. तो एमपीपीएससी करत होता. पुनीत ३ वर्षांपासून इंदूरमध्ये अभ्यास करत होता. बांगड्या, कुंकू आणि वधूप्रमाणे केलेल्या मेकअपमुळे या प्रकरणातील गुंता वाढला आहे. आत्महत्येचं कारण अद्याप समोर आलेलं नाही. पोलिसांनी मृतदेह शवविच्छेदनास पाठवून तपास सुरु केला आहे.
मूळचा रायसेनचा रहिवासी असलेला पुनीत इंदूरमध्ये अभ्यासासाठी राहत होता. तो आई, वडिलांचा एकुलता एक मुलगा होता. तो दुसऱ्या वर्षात शिकत होता. एका घरात भाड्यानं राहत होता. पुनीतनं आत्महत्या केली आहे की हत्या करुन त्याचा मृतदेह लटकवण्यात आला आहे, याचा शोध पोलीस घेत आहेत.
Users Today : 22