सातारा : पश्चिम महाराष्ट्रातील लक्षवेधी लढतींपैकी एक मानल्या गेलेल्या आणि शरद पवार यांच्या विचारांचा बालेकिल्ला असलेल्या सातारा मतदारसंघात राष्ट्रवादीचे उमेदवार शशिकांत शिंदे पहिल्या फेरीपासून आघाडीवर होते. १४ व्या फेरीअखेर भाजप उमेदवार उदयनराजे भोसले यांनी ४ हजार मतांची आघाडी घेतली. त्यानंतर कार्यकर्त्यांनी जलमंदिर पॅलेसवर जाऊन जोरदार जल्लोष केला. यावेळी उदयनराजे भावुक झाले होते. पत्नीला मिठी मारताना त्यांच्या डोळ्यात अश्रू आले. उदयनराजेंचा हा व्हिडिओ समाज माध्यमांत चांगलाच व्हायरल झाला.
राज्यसभेचा कार्यकाळ शिल्लक असतानाही खासदार उदयनराजे भोसले यांना भाजपने उमेदवारी दिली. दुसरीकडे राष्ट्रवादी शरद पवार गटाने विधान परिषदेचे आमदार आमदार शशिकांत शिंदे यांना लोकसभेच्या रिंगणात उतरविले. दोन्ही बाजूने जोरदार प्रचार करण्यात आला. सातारा लोकसभा मतदारसंघात एकूण ६३.१६ टक्के मतदान झाले. मतदानोत्तर चाचणीत शशिकांत शिंदे यांच्याकडे जनतेचा कल होता. मतमोजणीकडे सगळ्या महाराष्ट्राच्या लक्ष लागलेले होते. मान गादीला देऊन जनता मत राष्ट्रवादीला देणार, असा प्रचार करण्यात आला.
Users Today : 39