पालघर : भर रस्त्यात प्रेयसी आणि प्रियकर यांच्यात झालेल्या भांडणात प्रेयसीच्या डोक्यात दगडाने वार करून प्रेयसीची हत्या केल्याची घटना पालघर तालुक्यातील मुरबे परिसरात घडली आहे. स्नेहा चौधरी (वय २०) असे या घटनेतील मृत तरुणीचं नाव असून आरोपी प्रियकराला बोईसर पोलिसांनी अटक केली आहे.पालघर तालुक्यातील मुरबे येथील सुमित नवनीत तांडेल (वय २३) आणि स्नेहा चौधरी (वय २०) हे दोघे रहिवासी असून त्यांचे प्रेम प्रकरण सुरू होते. दोघेही तारापूर औद्योगिक वसाहती एका कंपनीत कामाला असल्याने सोमवारी सकाळच्या सुमारास स्नेहा व सुमित मोटरसायकलवरून कामाला जाण्यासाठी निघाले. मात्र, अचानक सुमित याने मोटरसायकल कुंभवली परिसरात थांबवली भर रस्त्यातच या दोघांमध्ये यावेळी भांडण झाले. यावेळी आरोपी समितीने स्नेहाच्या डोक्यात दगडाने वार केल्याने स्नेहा जखमी झाली. स्थानिकांनी या दोघांमधील वाद सोडवण्याचा प्रयत्न केला. तेथील स्थानिकांना ”स्नेहाला रुग्णालयात उपचारासाठी नेतो”, असे सांगून सुमित तिला एकलारे नजीक खाजण परिसरात घेऊन गेला.रस्त्यातच दोघांचे भांडण सुरू असल्याने आणि स्थानिकांना मुलाबाबत संशय आल्याने स्थानिकांनी भांडण झालेल्या दोघांचे फोटो समाज माध्यमांवर व्हायरल केले. हे फोटो स्नेहा चौधरीच्या नातेवाईकांच्या निदर्शनास आल्यानंतर त्यांनी तिचा शोध सुरू केला. या संपूर्ण घटनेची माहिती बोईसर पोलिसांना देण्यात आली. त्यानंतर स्थानिक व पोलिसांना एकलारे गावानजीक असलेल्या खाजण परिसरातील पाण्यात काल सोमवारी दुपारी दोन वाजताच्या सुमारास स्नेहाचा मृतदेह आढळून आला. पोलिसांनी घटनास्थळाचा पंचनामा करुन मृतदेह ताब्यात घेत शवविच्छेदनासाठी रुग्णालयात पाठवण्यात आला.
Users Today : 15