सर्वात वेगात कोण पोहतं? १० रुपयांची पैज लागली आणि होत्याचं नव्हतं झालं; १९ वर्षीय तरुणासोबत अनर्थ

तलावात पोहोण्यासाठी उतरले आणि…

मध्य प्रदेशातील रायसेन जिल्ह्यात १९ वर्षीय तरुणाचा मृत्यू झाला. रविवारी मुलांमध्ये १० रुपयांची पैज लागली होती. तलाव पार करुन पोहत जाण्याच्या शर्यतीसाठी पैज लावण्यात आली होती. सर्वात जास्त वेगात कोण पोहोणार अशी पैज होती. मात्र यात १९ वर्षीय तरुण पोहोताना बुडाला आणि दुर्घटना घडली

.पोलिसांनी दिलेल्या माहितीनुसार, तीन मित्र तलावावर आले होते. कोण सर्वात जास्त वेगात पोहोतं हे तपासण्यासाठी तिघांनी पैज लावली. १० रुपयांची शर्यतीची पैज लावण्यात आली होती. मात्र ही पैज सुरू झाल्यानंतर तलावाच्या मध्यभागी पोहोचल्यावर हरीश अहिरवार हा तरुण तलावात बुडाला. एका वरिष्ठ पोलीस अधिकाऱ्यांनी सांगितलं की, ही घटना जिल्हा मुख्यालयापासून सुमारे १३० किमी अंतरावर असलेल्या देवरी पोलीस स्टेशन हद्दीतील गोरखपूर गावात सकाळी ११ वाजताच्या सुमारास घडली. १९ वर्षीय तरुणी पोहताना बुडाल्यानंतर तिच्या मृतदेह दुपारी ३ वाजता बाहेर काढण्यात आला.

डॉक्टरचाही झालेला बुडून मृत्यू

दरम्यान, काही दिवसांपूर्वीही सिहोर जिल्ह्यात एका डॉक्टरचा पाण्यात बुडून मृत्यू झाल्याची घटना घडली होती. पीपुल्स रुग्णालयाचे पाच डॉक्टर पिकनिकसाठी आले होते. त्यावेळी एका डॉक्टरचा बुडून मृत्यू झाला होता

.भोपाळमधील काही डॉक्टर सुट्टीच्या दिवशी धबधब्यावर पिकनिकसाठी आले होते. त्यावेळी २८ वर्षीय डॉक्टर कृष्णनन अय्यर पाण्यात बुडाले. तात्काळ एनडीआरएफ आणि पोलीस घटनास्थळी दाखल झाले होते. कित्येत तास मृतदेहाचा शोध सुरू होता. अखेर १७ तासांनी डॉक्टरचा मृतदेह सापडला होता. डॉक्टरच्या मृत्यूची ही घटना ताजी असतानाच आता पुन्हा १९ वर्षांच्या मुलाचा अशाप्रकारे मृत्यू झाल्याने परिसरात हळहळ व्यक्त केली जात आहे.