सिंधुदुर्ग : बाळासाहेब असताना मातोश्री महिलांसाठी सुरक्षित होती, मात्र आता परिस्थिती बदलली आहे. मातोश्रीमध्ये राहत असलेल्या शक्ती कपूरला केव्हा आळा घालणार? असा प्रश्न भाजप आमदार नितेश राणे यांनी विचारला आहे. माता भगिनींकडे कोणी वाकड्या नजरेने पाहिलं, तर देवा भाऊ त्याला जागेवर ठेवणार नाहीत, असंही नितेश राणे म्हणाले.
बदलापूर लैंगिक अत्याचार प्रकरणात स्वसंरक्षणासाठी पोलिसांनी जे केलं, त्याचं समर्थन करण्यापेक्षा महाविकास आघाडीच्या लोकांना मिरच्या झोंबल्या, बेशरम लोकांची टोळी टीका करत आहे. देवेंद्र फडणवीस यांचा द्वेष त्यांच्या नसानसात भरलाय. महिलांना मिळालेल्या न्यायापेक्षा विरोधकांना देवेंद्रद्वेष मोठा वाटतो, अशी टीका नितेश राणे यांनी केली.
देवा भाऊ सिंघम
हो, आमचे देवा भाऊ सिंघम आहेत. माता भगिनींकडे कोणी वाकड्या नजरेने पाहिलं, तर देवा भाऊ त्याला जागेवर ठेवणार नाहीत. संजय राजाराम राऊत सकाळी उठून झाकणझुल्या सारखा बडबड करत होता. बलात्कार आणि अत्याचार यावर कोणी बोलावं यासाठी एक चौकट असली पाहिजे. ज्याच्यावर एका महिलेला धमकवण्याचा आरोप आहे, अशा संजय राऊत यांनी बलात्कार आणि अत्याचार यावर बोलू नये. आमच्या त्या भगिनीला सुरक्षित ठेवण्यासाठी देवाभाऊंचा वार तुमच्यावर चालवावा लागेल, असंही नितेश राणे म्हणाले.
नितेश राणेंची सडकून टीका
दरम्यान, संजय राऊत यांनी पॉर्न फिल्म प्रकरणी केलेल्या आरोपांवर उत्तर देताना नितेश राणे म्हणाले की पॉर्न फिल्म आणि तुमच्या (संजय राऊत) मालकाच्या मुलाचा संबंध यावर आम्हाला बोलावं लागेल. मातोश्रीच्या तिसऱ्या मजल्यावर पॉर्न स्टार ठाकरे राहतो, त्यांची वेब सिरीज काढावी लागेल. एकनाथ शिंदे, देवेंद्र फडणवीस यांच्या मतदारसंघात किती बलात्कार झाले हे समोर येईल. पण मातोश्रीमध्ये राहत असलेल्या शक्ती कपूरला केव्हा आळा घालणार? बाळासाहेब असताना मातोश्री महिलांसाठी सुरक्षित होती, मात्र आता परिस्थिती बदललीय, असं नितेश राणे म्हणाले.
सिंघम होण्यावर स्पर्धा आहे, ही चांगली गोष्ट आहे. शक्ती कपूर होण्याची तर नाही ना? तुमच्या महाविकास आघाडीत असलेले शक्ती कपूर महिलांचा अपमान करत असतात, अशी टीकाही त्यांनी केली.