तलवार हातात घेऊन नाचताना सिद्धार्थ खरात यांचा व्हिडिओ व्हायरल! कायदा जाणणाऱ्यांकडूनच शस्त्र प्रदर्शनः चर्चेला उधाण

मेहकर :-तालुका प्रतिनिधी

माजी प्रशासकीय अधिकारी असलेले आमदार सिद्धार्थ खरात यांचा एका लग्न समारंभात हातात तलवार घेऊन डीजेच्या तालावर नाचतानाचा व्हिडिओ सोशल मीडियावर व्हायरल झाला आहे. हा प्रकार १३ मे रोजी चिखली तालुक्यातील अमडापूर येथे एका लग्न समारंभात घडला.सार्वजनिक ठिकाणी अशाप्रकारे शस्त्र प्रदर्शन कायद्यानुसार निषिद्ध आहे.त्यामुळे माजी प्रशासकीय अधिकारी आणि सध्या आमदार असलेल्या व्यक्तीकडून असा प्रकार घडल्याने अनेकांना आश्चर्य वाटत असून, आमदार खरात यांच्यावर टिका होत आहे.राज्यात यापूर्वीही अशा घटना घडल्या आहेत. शिंदे गटाचे बुलढाण्याचे आमदार संजय गायकवाड यांनी एका कार्यक्रमात तलवारीने केक कापल्यामुळे त्यांच्यावर गुन्हा दाखल झाला होता. त्यामुळे आमदार सिद्धार्थ खरात यांच्यावरही कायदेशीर कारवाई होणार का, असा प्रश्न उपस्थित केला जात असून, राजकीय वर्तुळात चर्चेला उधाण आले आहे.