मराठा सेवा संघाची जिल्हा कार्यकारिणी बैठक आज — संघटनात्मक उपक्रमांवर होणार सविस्तर चर्चा*

बुलढाणा :- विशेष प्रतिनिधी

मराठा सेवा संघाच्या जिल्हा कार्यकारिणी पदाधिकाऱ्यांची महत्त्वपूर्ण बैठक *३१ ऑक्टोबर रोजी* मराठा सेवा संघाच्या जिल्हा कार्यालयात आयोजित करण्यात आली असल्याची माहिती *जिल्हा सरचिटणीस डॉ. विजय काळे* यांनी एका पत्रकाद्वारे दिली आहे.

ही बैठक *रिसोड नाका परिसरातील मराठा कॉम्प्लेक्स येथील जिल्हा कार्यालयात* पार पडणार असून, बैठकीच्या अध्यक्षस्थानी *जिल्हाध्यक्ष नारायणराव काळबांडे* हे राहणार आहेत.

बैठकीत *प्रमुख मार्गदर्शक म्हणून विभागीय अध्यक्ष अशोकराव महाले, **राज्य संघटक प्रा. भरत आव्हाळे, **राज्य कार्यकारिणी सदस्य वसंतराव अवचार, **संभाजी ब्रिगेडचे विभागीय अध्यक्ष गजाननराव भोयर, **जिजाऊ ब्रिगेडच्या विभागीय अध्यक्षा सुरेखाताई आरू, **डॉ. पंजाबराव देशमुख शिक्षक परिषदेचे राज्य उपाध्यक्ष कैलासराव सोळंके, **विभागीय सचिव प्रा. अनंतराव गायकवाड, **जिजाऊ ब्रिगेडच्या विभागीय सचिव सविताताई बोरकर, तसेच **विभागीय कार्याध्यक्षा अनिताताई कोरडे* आदी मान्यवर उपस्थित राहणार आहेत.

या बैठकीत *मराठा सेवा संघ आणि संलग्न कक्षांचा कृती कार्यक्रम निश्चित केला जाणार असून*,

* राज्यस्तरीय कृषी परिषदेचे आयोजन,
* संघटन बांधणी आणि विस्तार,
* प्रशिक्षण शिबिरांचे नियोजन,
* नवीन शाखा सुरू करणे,
* तसेच विविध सामाजिक उपक्रमांवर सविस्तर चर्चा होणार आहे.

डॉ. विजय काळे यांनी सर्व *जिल्हा कार्यकारिणी सदस्य, तालुकाध्यक्ष आणि विभागीय पदाधिकारी* यांना या बैठकीस उपस्थित राहण्याचे आवाहन केले आहे.

मराठा समाजाच्या संघटनात्मक बळकटीसाठी ही बैठक निर्णायक ठरण्याची शक्यता व्यक्त केली जात आहे.