मोताळा तालुक्यात अतिवृष्टीचा तडाखा; शेतकऱ्यांचे मोठे नुकसान — अॅड. जयश्री शेळके यांची पाहणी, ‘सरसकट मदत द्या’ची मागणी मका कोंबला, कपाशी सडली, पेरण्या वाहून गेल्या; पीकविमा दावे मंजुरीसाठी तातडीने कार्यवाहीची गरज

मोताळा प्रतिनिधी ;-
मोताळा तालुक्यातील रिधोरा, गुगळी, लपाली, सिंदखेड, पिंपळगाव देवी, लिहा, आव्हा आणि कोल्ही गवळी या गावांमध्ये झालेल्या अतिवृष्टीमुळे पिकांचे मोठ्या प्रमाणावर नुकसान झाले आहे. शेतकऱ्यांच्या या संकटाच्या काळात शिवसेना (उद्धव बाळासाहेब ठाकरे) पक्षाच्या प्रवक्त्या अॅड. जयश्री शेळके यांनी आज प्रत्यक्ष पाहणी करून शेतकऱ्यांशी संवाद साधत त्यांना धीर दिला.
पिकांची दयनिय अवस्था — शेतकरी आर्थिक संकटा
अतिवृष्टीमुळे
मक्याला कोंब येणे,
कपाशीची बोंडे सडणे,
पेरण्या वाहून जाणे,
अनेक शेतकऱ्यांना दुबार पेरणीची वेळ
असे गंभीर परिणाम दिसत आहेत. या परिस्थितीने शेतकरी हतबल बनला असून मोठ्या आर्थिक संकटाचा सामना करीत आहे.
पंचनाम्याचा फार्स नको — सरसकट नुकसानभरपाई द्या” — अॅड. शेळके
पाहणीदरम्यान अॅड. जयश्री शेळके म्हणाल्या —
“शासनाने पंचनाम्याचा दिखावा न करता सर्व पीडित शेतकऱ्यांना सरसकट नुकसानभरपाई जाहीर करावी. अतिवृष्टीमुळे खरीप हंगाम उद्ध्वस्त झाला आहे. त्यामुळे विलंब नको, निर्णय तातडीचा हवा.”
त्यांनी पुढे पीकविमा कंपन्यांनी कापणीपश्चात नुकसानीच्या दावे त्वरित मंजूर करण्याची मागणीही केली.
वीज अडथळे, सिंचन विस्कळीत, बियाणे–खतांचे वाढते दर — शेतकरी कोंडीत
सध्याच्या स्थितीत शेतकऱ्यांना अनेक अडचणींचा सामना करावा लागत आहे —
नियमित वीजपुरवठा नसल्याने सिंचन व्यवस्था खिळखिळी
बियाणे व खतांचे दर प्रचंड वाढले
पुनर्पेरणी करणे कठीण
मागील हंगामातील नुकसानभरपाई आजही प्रलंबित
कर्जमाफीच्या प्रतीक्षेत हजारो शेतकरी
या एकत्रित संकटामुळे शेतकऱ्यांची आर्थिक अवस्था अत्यंत बिकट झाली आहे.
शासनाने ‘तत्पर आणि संवेदनशील’ निर्णय घ्यावेत — अशी अपेक्षा
अॅड. शेळके यांच्या मते —
सरसकट नुकसानभरपाई जाहीर करणे
पीकविमा दावे मंजूर करून निधी वितरित करणे
थकित कर्जमाफी त्वरित घोषित करणे
शेतकऱ्यांसाठी तातडीचा आर्थिक दिलासा
या सर्व मुद्यांवर शासनाने ठोस निर्णय घेणे अत्यावश्यक आहे.
पाहणीदरम्यान मान्यवर उपस्थित
या पाहणी दौऱ्यात खालील पदाधिकारी सहभागी झाले —
महिला आघाडी जिल्हाप्रमुख चंदा बढे
तालुकाप्रमुख विजय इंगळे
काँग्रेस तालुकाध्यक्ष प्रवीण कदम
उपतालुकाप्रमुख मुकुंदा माळी
युवासेना उपजिल्हाप्रमुख शुभम घोंगटे
तालुकाप्रमुख मोहित राजपूत
रामशंकर सोनोने
योगेश महाजन
अक्षय जवर
ज्ञानेश्वर कोळसे
इत्यादी कार्यकर्ते आणि स्थानिक शेतकरी मोठ्या संख्येने उपस्थित होते.