मेहकर व लोणार नगरपरिषद निवडणुकीपूर्वी भाजपकडून उमेदवार मुलाखती — इच्छुकांनी सादर केला कार्याचा आढावा

मेहकर प्रतिनिधी ;- मेहकर आणि लोणार नगरपरिषद निवडणुकीच्या पार्श्वभूमीवर भारतीय जनता पक्षातर्फे आज दोन्ही शहरांतील नगराध्यक्ष व नगरसेवक पदासाठी इच्छुक उमेदवारांच्या मुलाखती घेण्यात आल्या. निवडणूक व्यवस्थापन, प्रभागनिहाय तयारी आणि संघटनात्मक रणनीती या मुद्द्यांवर ही बैठक केंद्रित होती.
मुलाखत प्रक्रियेदरम्यान सर्व इच्छुकांनी
– स्वतःच्या कार्याचा सविस्तर अहवाल,
– प्रभागातील समस्यांवरील उपाययोजना,
– आगामी निवडणुकीसाठी केलेल्या तयारीचा तपशील
बैठकीत सादर केला.
या महत्त्वपूर्ण बैठकीस आ. श्वेता ताई महाले, जिल्हाध्यक्ष विजयराव शिंदे, तसेच पक्षाचे पदाधिकारी, कार्यकर्ते आणि मोठ्या संख्येने इच्छुक उमेदवार उपस्थित होते.
निवडणूक लढविण्यासाठी सक्षम, सक्रिय आणि जनसेवेसाठी कटिबद्ध उमेदवारांची निवड करण्यासाठीची ही प्रक्रिया भाजपच्या संघटनात्मक तयारीत महत्त्वाची ठरली.