शेगाव प्रतिनिधी :
संत नगरी शेगाव येथे २५ ते २७ फेब्रुवारीदरम्यान भव्य ‘आयुष आरोग्य महामेळावा’ आयोजित करण्यात आला आहे. या मेळाव्यात शेतकऱ्यांसाठी वनशेती व औषधी वनस्पतींच्या उत्पादन, प्रक्रिया आणि विपणनाबाबत तज्ज्ञ मार्गदर्शन दिले जाणार आहे.
केंद्रीय आयुषमंत्री प्रतापराव जाधव यांनी शेतकऱ्यांनी मोठ्या संख्येने सहभागी होण्याचे आवाहन केले आहे.
राष्ट्रपतींच्या हस्ते उद्घाटन
संत नगरी शेगाव येथील विसावा परिसरात होणाऱ्या या मेळाव्याचे उद्घाटन २५ फेब्रुवारी रोजी राष्ट्रपती द्रौपदी मुर्मू यांच्या हस्ते होणार आहे.
उद्घाटनानंतर दुपारी ३ वाजता शेतकरी बांधवांसाठी आयुर्वेदिक शेती उत्पादन व विक्री मार्गदर्शन कार्यक्रम आयोजित करण्यात आला आहे.
शेतकऱ्यांसाठी विशेष मार्गदर्शन
या महामेळाव्यात खालील विषयांवर तज्ज्ञ मार्गदर्शन मिळणार आहे:
वन औषधी शेतीचे तंत्रज्ञान
औषधी वनस्पतींची प्रक्रिया
विपणन व बाजारपेठेतील संधी
शासकीय योजना व अनुदान माहिती
यावेळी National Medicinal Plants Board, नवी दिल्लीचे मुख्य कार्यकारी अधिकारी प्रा. डॉ. महेश कुमार दाधीच तसेच Dr. Panjabrao Deshmukh Krishi Vidyapeeth अंतर्गत नागार्जुन वन औषधी प्रकल्पाचे प्रभारी डॉ. नितीन पतके शेतकऱ्यांना सविस्तर माहिती देणार आहेत.
आयुषमंत्र्यांचे आवाहन
केंद्रीय मंत्री प्रतापराव जाधव यांनी सांगितले की,
शेतकऱ्यांनी पारंपरिक पिकांबरोबरच औषधी वनस्पतींच्या उत्पादनाकडे वळल्यास त्यांना शाश्वत उत्पन्नाचे स्रोत उपलब्ध होतील. यामुळे शेतकऱ्यांचे आर्थिक उत्पन्न वाढेल तसेच जनतेलाही दर्जेदार नैसर्गिक उपचार मिळण्यास मदत होईल.
Users Today : 5