बुलढाणा प्रतिनिधी :
भारत सरकारच्या Ministry of AYUSH यांच्या वतीने येत्या २५ ते २८ फेब्रुवारी दरम्यान शेंगाव येथे “राष्ट्रीय आयुष आरोग्य मेळावा २०२६” चे भव्य आयोजन करण्यात आले आहे.
या आरोग्य मेळाव्याचे उद्घाटन भारताच्या महामहीम राष्ट्रपती Droupadi Murmu यांच्या शुभहस्ते संपन्न होणार असून, या ऐतिहासिक कार्यक्रमामुळे शेंगाव शहराला राष्ट्रीय पातळीवर विशेष महत्त्व प्राप्त होणार आहे.
कार्यक्रमाच्या पूर्वतयारीचा आढावा घेण्यासाठी माजी मंत्री आमदार Dr. Sanjay Kute तसेच बुलढाणा जिल्हाधिकारी Dr. Kiran Patil यांनी विविध विभागांच्या प्रमुख अधिकाऱ्यांसमवेत कार्यक्रम स्थळांची पाहणी केली.
मेळाव्यासाठी निश्चित करण्यात आलेल्या शेंगाव शहरातील आनंद सागर रोड, तसेच विसावा भक्तनिवास संकुल व विसावा मैदान परिसरातील जागेची आणि भव्य सभा मंडपाची सविस्तर पाहणी करण्यात आली. यावेळी संबंधित प्रशासकीय अधिकाऱ्यांना आवश्यक त्या सूचना देण्यात आल्या.
या पाहणीदरम्यान बुलढाणा जिल्ह्यातील विविध विभागांचे प्रमुख अधिकारी उपस्थित होते.
राष्ट्रीय स्तरावरील या मेळाव्यामुळे आयुष उपचार पद्धतींचा प्रचार-प्रसार होणार असून नागरिकांना विविध आरोग्य सेवांचा लाभ मिळणार आहे
Users Today : 47