भारत-ब्राझील आरोग्य सहकार्याला नवे बळ कर्तव्य भवन येथे आयुष मंत्री प्रतापराव जाधव व ब्राझीलचे आरोग्यमंत्री यांची द्विपक्षीय बैठक

नवी दिल्ली, १८ फेब्रुवारी २०२६ — भारत-AI इम्पॅक्ट समिटच्या निमित्ताने कर्तव्य भवन येथे आयुष मंत्री प्रतापराव जाधव आणि ब्राझीलचे आरोग्यमंत्री अलेक्सान्द्रे पॅडिळ यांच्यात फलदायी द्विपक्षीय बैठक झाली.
या बैठकीत पारंपरिक, पूरक व एकात्मिक वैद्यक (TCIM) क्षेत्रातील सहकार्याला चालना देण्याबाबत सविस्तर चर्चा झाली. विशेषतः ब्राझीलमध्ये ‘आयुष चेअर’ स्थापन करण्याचा प्रस्ताव, संयुक्त संशोधन भागीदारी, तसेच योग क्षेत्रातील क्षमता वृद्धी यांसारख्या महत्त्वाच्या विषयांवर विचारविनिमय करण्यात आला.
दोन्ही देशांनी सर्वांसाठी सुलभ, पुराव्यावर आधारित आणि एकात्मिक आरोग्यसेवा उपलब्ध करून देण्याच्या सामायिक बांधिलकीची पुनर्प्रतिपादन केले. पारंपरिक औषधपद्धती आणि आधुनिक संशोधन यांची सांगड घालून जागतिक आरोग्य क्षेत्रात सहकार्य वाढविण्याबाबत सकारात्मक भूमिका व्यक्त करण्यात आली.
ही बैठक भारत-ब्राझील आरोग्य संबंध अधिक दृढ करण्याच्या दृष्टीने महत्त्वाची पायरी मानली जात आहे.