समृद्धी महामार्ग होणार ‘सुपर कम्युनिकेशन हायवे’; प्रत्येक १ किमीवर ३६०° कॅमेरे

डोणगाव प्रतिनिधी :
Hindu Hrudaysamrat Balasaheb Thackeray Samruddhi Mahamarg वर प्रवाशांना अत्याधुनिक सुविधा उपलब्ध करून देण्यासाठी ग्रँटी (Gantry) प्रणाली उभारण्याचे काम वेगाने सुरू आहे. हे काम पूर्ण झाल्यानंतर मुंबई ते नागपूर ७०१ किमीचा हा महामार्ग ‘सुपर कम्युनिकेशन हायवे’ म्हणून ओळखला जाणार आहे.

या स्मार्ट यंत्रणेमुळे महामार्गावरून जाणारी वाहने कॅमेऱ्याच्या नजरेआड होणार नाहीत. तसेच निश्चित केलेल्या वेगमर्यादेपेक्षा जास्त वेगाने वाहन चालवल्यास थेट दंड आकारला जाणार आहे. 🚗📸

 प्रत्येक १० किमीवर ग्रँटी

समृद्धी महामार्गावर प्रत्येक १० किमी अंतरावर एक ग्रँटी उभारली जाणार आहे.

• मुंबई कॉरिडॉर : ७० ग्रँटी

• नागपूर कॉरिडॉर : ७० ग्रँटी

• एकूण : १४० ग्रँटी

या ग्रँटीवर स्पीड डिटेक्शन कॅमेरे बसवले जातील. वाहन कोणत्या लेनमध्ये आणि किती वेगाने चालत आहे याची माहिती या कॅमेऱ्यांद्वारे मिळेल. निर्धारित वेगापेक्षा जास्त वेग असल्यास वाहनचालकावर ऑनलाइन दंड आकारला जाईल.

 २० किमीवर स्पीड डिस्प्ले

दर २० किमी अंतरावर स्पीड डिस्प्ले बोर्ड बसवले जाणार आहेत.

या डिजिटल स्क्रीनवर

• वाहनाचा सध्याचा वेग

• अपघाताची माहिती

• ट्रॅफिक जाम

• हवामानाचा इशारा

अशी रिअल टाइम माहिती दाखवली जाईल.

महामार्गावर कारसाठी १२० किमी प्रतितास वेग मर्यादा ठेवण्यात आली आहे.

प्रत्येक १ किमीवर ३६०° कॅमेरा

समृद्धी महामार्गावर प्रत्येक १ किमी अंतरावर १२ मीटर उंच खांबावर ३६० अंश फिरणारे कॅमेरे बसवले जाणार आहेत.

या कॅमेऱ्यांमुळे:

• अपघात करणारी वाहने

• संशयित वाहने

• वाहतूक नियम मोडणारे चालक

यांची त्वरित ओळख पटणार आहे. त्यामुळे मुंबईकडून निघालेले वाहन नागपूरपर्यंत संपूर्ण मार्गावर नजरेखाली राहणार आहे.

 दर ५ किमीवर इमर्जन्सी कॉल बॉक्स

प्रवाशांच्या सुरक्षिततेसाठी दर ५ किमी अंतरावर SOS इमर्जन्सी कॉल बॉक्स बसवले जाणार आहेत.

तसेच महामार्गावरील २४ इंटरचेंजवर मोठ्या VMS स्क्रीन बसवून वाहतूक आणि हवामानाबाबत सूचना दिल्या जाणार आहेत.

 या अत्याधुनिक तंत्रज्ञानामुळे समृद्धी महामार्गावर सुरक्षा, वेग नियंत्रण आणि माहिती प्रणाली अधिक मजबूत होणार असून महाराष्ट्रातील हा महामार्ग जागतिक दर्जाच्या स्मार्ट हायवेच्या यादीत सामील होण्याची शक्यता आहे.