सिंदखेडराजात जलवाहिनी व भूमिगत गटार योजनेमुळे नागरिकांसह व्यापारी त्रस्त

सिंदखेड राजा 

सिंदखेडराजा शहरात गेल्या जवळपास तीन वर्षांपासून अंतर्गत पाणीपुरवठा योजना आणि भूमिगत गटार योजनेची कामे सुरू आहेत. मात्र या कामांना मोठा विलंब होत असल्यामुळे शहरातील नागरिकांसह व्यापारी वर्गाला मोठ्या अडचणींना सामोरे जावे लागत आहे. पाईपलाईन टाकण्यासाठी विविध ठिकाणी रस्ते खोदण्यात आले असून अनेक नाल्या उघड्या अवस्थेत असल्याने वाहतूक आणि दैनंदिन व्यवहारात अडथळे निर्माण होत आहेत.
नगरपरिषद : विकासासाठी तात्पुरता त्रास आवश्यक
या संदर्भात सिंदखेडराजा नगरपरिषदेचे नगराध्यक्ष Saurabh Tayde यांनी सांगितले की, शहरात सुरू असलेली पाईपलाईन आणि भूमिगत भुयारी गटार योजना ही शहराच्या दीर्घकालीन विकासासाठी अत्यंत महत्त्वाची आहे. या कामांची गुणवत्ता चांगली राहावी यासाठी प्रशासन आणि कंत्राटदार यांच्याशी सतत संपर्क ठेवला जात आहे.
तसेच ही कामे पूर्ण झाल्यानंतर तातडीने सिमेंट काँक्रीट रस्त्यांचे काम सुरू करण्यात येईल, त्यामुळे भविष्यात शहरातील रस्ते खड्डेमुक्त होतील आणि शहर अधिक सुशोभित दिसेल, असे त्यांनी स्पष्ट केले.
विरोधकांचा आरोप : नियोजनाचा अभाव
दरम्यान नगरपरिषद विरोधी पक्षनेते Nilesh Thakre यांनी सांगितले की, अंतर्गत पाणीपुरवठा योजना १८ महिन्यांत पूर्ण होणे अपेक्षित होते, मात्र तीन वर्षे उलटूनही काम पूर्ण झालेले नाही. यासाठी नगरपालिका प्रशासन जबाबदार असल्याचा आरोप त्यांनी केला.
तसेच Shyam Mehetre यांनी शहरातील विकासकामे अत्यंत संथ गतीने सुरू असून नियोजनाचा अभाव दिसून येतो, अशी टीका केली.
लवकरच कामे पूर्ण होतील : युवासेना
युवासेनेचे जिल्हा उपाध्यक्ष Atish Tayde यांनी सांगितले की, उर्वरित विकासकामे येत्या काळात राज्याचे उपमुख्यमंत्री Eknath Shinde यांच्या माध्यमातून पूर्ण करण्यात येतील.
व्यापाऱ्यांची मागणी
भाजप युवा मोर्चाचे जिल्हा उपाध्यक्ष Ashok Mehetre यांनी सांगितले की, शहरातील व्यापारी आणि व्यवसायिकांना रस्ते खोदकामामुळे मोठा आर्थिक फटका बसत आहे. त्यामुळे नगरपरिषद प्रशासनाने हा प्रश्न लवकरात लवकर मार्गी लावावा, अशी मागणी त्यांनी केली.
दगडी खडकामुळे कामाला विलंब
याबाबत नगरपरिषद मुख्याधिकारी Ashish Bobde यांनी सांगितले की, शहरातील मुख्य रस्त्यालगत जलवाहिनी टाकण्याचे काम सुरू आहे. मात्र काही ठिकाणी पाषाण खडक लागल्यामुळे खोदकाम करताना अडचणी येत आहेत.
त्या ठिकाणी जवळच इमारती असल्यामुळे ब्लास्टिंग केल्यास इमारतींना धोका निर्माण होऊ शकतो. त्यामुळे सुरक्षिततेचा विचार करून जेसीबीच्या सहाय्याने सावधपणे खोदकाम केले जात असल्याने कामाला अधिक वेळ लागत आहे, असे त्यांनी स्पष्ट केले.