Khamgaon,
रामनवमी उत्सवानिमित्त पायी वारी करून Sant Gajanan Maharaj Temple येथे जात असलेल्या भाविकांवर काळाने घाला घातला. भरधाव वेगातील अज्ञात मालवाहू पिकअपने धडक दिल्याने १७ वर्षीय भाविकाचा मृत्यू झाला, तर दोन जण गंभीर जखमी झाले.
हा अपघात खामगाव तालुक्यातील संभापूर ते लासुरा फाटा दरम्यान २६ मार्च रोजी पहाटे साडेबाराच्या सुमारास घडला.
१७ वर्षीय भाविकाचा मृत्यू
या दुर्घटनेत हर्षल गजानन फाळके (वय १७) यांचा जागीच मृत्यू झाला. तर शंकर अशोक ठाकरे आणि धनंजय शिवनारायण सिरसाठ हे दोघे गंभीर जखमी झाले असून त्यांच्यावर रुग्णालयात उपचार सुरू आहेत.
हे तिघेही Wahala Budruk येथील रहिवासी असल्याची माहिती मिळाली आहे.
रामनवमीसाठी पायी वारी
मिळालेल्या माहितीनुसार, या तिघांसह आठ ते दहा तरुणांचा समूह रामनवमी उत्सवासाठी शेगाव येथे संत गजानन महाराज मंदिरात दर्शनासाठी पायी वारी करत होता. बुधवारी रात्री ते शेगावकडे निघाले होते.
संभापूर ते लासुरा फाटा दरम्यान त्यांचा प्रवास सुरू असतानाच पांढऱ्या रंगाच्या अज्ञात मालवाहू पिकअपने त्यांना जोरदार धडक दिली. या धडकेत तिघेही रस्त्यावर फेकले गेले.
चालक घटनास्थळावरून फरार
अपघातानंतर पिकअप चालक घटनास्थळावरून फरार झाला. या प्रकरणी उमेश संजय परकाळे (वय १९) यांनी तक्रार दिल्यानंतर Khamgaon Rural Police Station येथे अज्ञात चालकाविरुद्ध गुन्हा दाखल करण्यात आला आहे.
पोलीस सध्या फरार चालकाचा शोध घेत आहेत.
Users Today : 10