🛕 देऊळगाव मही येथे राम जन्मोत्सव

देऊळगाव मही

येथे प्रभू श्रीरामचंद्रांच्या जन्मोत्सवानिमित्त श्रीराम मंदिर येथे अत्यंत भक्तिभावाने राम जन्मोत्सव साजरा करण्यात आला.

यावेळी मंदिरात अखंड हरिनाम सप्ताह, संगीत रामकथा तसेच ज्ञानेश्वरी पारायण सोहळ्याचे आयोजन करण्यात आले होते. यावर्षी रामेश्वर चौरे महाराज यांच्या प्रभावी वाणीतून रामायण कथन झाले.

या सोहळ्यात गोरक्षण महाराज सोनवणे, सिद्धेश्वर महाराज राऊत, शिवलिंग आप्पा महाराज, डॉ. अनिरुद्ध महाराज शिरसागर, बबनराव महाराज खारडे, गोविंद महाराज मुंडे, अॅड. भागवत शिरवळकर, सुनील महाराज शिंगणे आणि रामेश्वर महाराज चौरे यांची काल्याचे कीर्तन सेवा पार पडली.

कीर्तनानंतर गावातून प्रभू श्रीरामांच्या जयघोषात भव्य मिरवणूक काढण्यात आली. 🚩 भक्तांनी मोठ्या उत्साहात सहभागी होत संपूर्ण गाव भक्तिमय वातावरणात न्हाऊन निघाले.

✅ एकंदरीत, जिल्ह्यातील विविध ठिकाणी रामनवमी उत्सव भक्ती, परंपरा आणि सामाजिक एकात्मतेचा संदेश देत मोठ्या उत्साहात साजरा करण्यात आला.