राजश्री ग्लोबल स्कुल मध्ये बालदिन निमित्त मोठ्या उत्साहात साजरा..

मेहकर  स्व.ध दि.रहाटे शिक्षण व बहुद्देशीय संस्थे अंतर्गत राजश्री ग्लोबल स्कूल मेहकर येथे सोमवार दिनांक 14 नोव्हेंबर 2022 रोजी बाल दिनानिमित्त विविध कार्यक्रमाचे आयोजन करण्यात आले. कार्यक्रमाच्या अध्यक्षस्थानी ग्लोबल स्कूलच्या प्राचार्य सरिता खंडेलवाल या होत्या तर प्रमुख अतिथी सिंधुताई जाधव कला व विज्ञान महाविद्यालयाच्या प्राध्यापिका संगीता खडसे होत्या. तसेच मंचकावर ग्लोबल स्कूलचे उपप्राचार्य प्रवीण गावंडे, प्रशासक मनोहर म्हळसने , सिद्धार्थ जाधव उपस्थित होते. कार्यक्रमात बाल दिनाचे महत्त्व सांगताना ग्लोबल स्कूलच्या उप प्राचार्यांनी विद्यार्थ्यांना बालपणाच्या आनंदाचे महत्त्व सांगितले तसेच आजची ही लहान मुलांची पिढी उद्याच्या भारताचा भविष्य आहे असे वक्तव्य केले. कार्यक्रमाच्या शेवटी सर्व लहान चिमुकल्यांना फुगे व मिठाई वाटप करण्यात आले. कार्यक्रमाचे सूत्रसंचालन कुमारी कृष्णाई बचाटे व दिव्या मेहता व आभार प्रदर्शन हर्षदा कऱ्हाळे या वर्ग नववीच्या विद्यार्थ्यांनी केले. यशस्वी ते करिता जयश्री लंबे , कलाशिक्षक अजय बनचरे सर्व शिक्षक शिक्षकेतर कर्मचारी यांचे सहकार्य लाभले.