बुलडाणा : 13 मार्च पिपळगाव सराई येथून सैलानीबाबा यांचा संदल जोर शोराने ढोल-ताशा आणि नगाऱ्याचा आवाज, अगरबत्ती व धूपाचा सर्वत्र सुगंधी दरवळ, , मनोहारी चांदणी रात्र, काट्याकुट्यांची पर्वा न करता रानोमाळात गटागटाने संदल मिरवणुकीची वाट पाहणारे असंख्य भाविक अशा मंगल व उत्साहपूर्ण वातावरणात लाखो भाविकांच्या साक्षीने ‘चराग-ए-नक्शबंदी’ या सैलानी बाबा यांच्या सैलानी दर्ग्यातील मजार-ए-शरीफवर सोमवारी रात्री संदल चढविण्यात आला.
मागील तीन वर्षापासून कोरोनाच्या पाश्र्वभुमीवर प्रशासनाच्यावतीने सैलानी बाबाची यात्रा रद्द करण्यात आली होती. यावर्षी कोरोनाचा संसर्ग ओसरल्याने यात्रेला प्रशासनाने परवानगी दिल्याने यात्रा मोठ्या प्रमाणात भरली आहे. तीन वर्षाच्या ब्रेकनंतर यात्रा मोठ्या प्रमाणात भरली आहे. या यात्रेत सर्व जाती धर्मांच्या भाविक भक्त दर्शनासाठी सैलानी येथे येतात. वातावरणात लाखो भाविकांच्या साक्षीने ‘चराग-ए-नक्शबंदी’ या सैलानी बाबा यांच्या सैलानी दर्ग्यातील मजार-ए-शरीफवर रविवारी रात्री संदल चढविण्यात आला. या उत्सवामुळे सर्वत्र मंगलमय वातावरण होते.देशात प्रसिध्द असलेल्या सैलानी यात्रेला होळीच्या सणापासून सुरुवात झाली. रविवार, 12 मार्च हा संदलचा दिवस असल्याने राज्यासह परराज्यातील लाखो भाविक सैलानीत दाखल झाले होते. रात्री उशिरा सैलानी बाबा यांच्या दर्ग्यातील मजार-ए-शरीफवर लाखो भाविकांच्या साक्षीने संदल चढविण्यात आला. तत्पूर्वी दुपारी साडे पाच वाजेच्या सुमारास सैलानीवरुन मादी उंटाला पिंपळगाव सराई येथे संदल घरी आणण्यात आले. यावेळी मुजावरांनी उंटावर चादर टाकून हार फुलांनी सजविले. पाठीवर एक कटोरी ठेवली. त्यामध्ये चंदनाचा लेप म्हणजे संदल ठेवण्यात आला. त्यानंतर पिंपळगाव सराई येथील मुजावरांच्या घरुन हा संदल निघाला. सुरूवातीला बाबांची संदल घरात मुजावरांनी विधीवत पूजा अर्चा केली. नंतर पिंपळगाव सराई गावातून मिरवणूक काढण्यात आली. या पवित्र घटनेचे साक्षीदार होण्यासाठी पिंपळगाव सराईमध्ये लाखो भाविकांची गर्दी उसळली होती. नंतर बाबा ज्या मार्गाने सैलानीला जात होते, त्याच पांदण मार्गाने उंट दगार्हाकडे मार्गस्थ झाला. उंटाच्या खालून गेले तर अनेक असाध्य रोग बरे होतात, अशी भाविकांची श्रध्दा असल्याने अनेकजणांनी तसा प्रयत्न केला. परंतु अनुचित घटना घडू नये, म्हणून पोलिसांनी भाविकांचा हा प्रयत्न हाणून पाडला. संदल मिरवणुकीपुढे अनेक मनोरुग्ण भाविक जमिनीवर लोटांगण घालत होते. मिरवणुकी दरम्यान . विविध रंगाच्या रोषणाईमुळे चांदण्या रात्रीत आकाश न्हाऊन निघाले होते. तब्बल पाच ते सहा तास ही मिरवणूक चालली. पवित्र संदल दर्ग्यावर पोहोचताच बाबांची सेवा करणाऱ्या मुजावरांच्या हस्ते हा संदल सैलानी बाबाच्या दर्ग्यावर मनोभावे चढविण्यात आला. संदल चढताच भाविकांनी सैलानी बाबांच्या दर्ग्याचे दर्शन घेतले आणि परतीच्या मार्गावर निघाले.
Users Today : 2