📰 दक्षिण आशियाई स्पर्धेत विजयी झालेल्या वैष्णवी सानेचे किरमीटी भारकस येथे जल्लोषात स्वागत

✍️ विशेष प्रतिनिधी

किरमीटी भारकस (बुट्टीबोरी) – छोट्याश्या गावातून देशाचे प्रतिनिधित्व करत कु. वैष्णवी हेमंत साने हिने दक्षिण आशियाई स्पर्धेत भारताला विजेतेपद मिळवून दिल्याबद्दल ग्रामपंचायत किरमीटी भारकस येथे जल्लोष साजरा करण्यात आला.

दक्षिण आशियाई सहा देशांमध्ये झालेल्या प्रतिष्ठित स्पर्धेत भारत, बांगलादेश, श्रीलंका, नेपाळ, मालदीव आणि अफगाणिस्तान या देशांचा सहभाग होता. या स्पर्धेत वैष्णवीने उल्लेखनीय कामगिरी करत भारताला सुवर्ण विजय मिळवून दिला. यापूर्वी ती नॅशनल लेवलवर विदर्भ संघाची कॅप्टन राहिली असून तिचे यश संपूर्ण गावासाठी अभिमानाचा क्षण ठरले आहे.

🏆 गौरव व सत्कार समारंभ
ग्रामपंचायत किरमीटी भारकस व सामाजिक कार्यकर्त्यांच्या वतीने वैष्णवीचे जोरदार स्वागत करण्यात आले. यावेळी आतिश उमरे (जिल्हा परिषद सदस्य व विरोधी पक्षनेते, नागपूर जिल्हा), अतुल गावंडे (उपसरपंच, ग्रामपंचायत किरमीटी भारकस), गजाननराव बावणे (उपाध्यक्ष, महाराष्ट्र प्रदेश लहुजी शक्ती सेना), गरिबाजी खोडके (सचिव, महाराष्ट्र लहुजी शक्ती सेना), सौ. दिपालीताई वानखेडे (राज्य कार्यकारिणी सदस्य, लहुजी शक्ती सेना), दयाल बावणे (अध्यक्ष, साहित्य भूषण अण्णाभाऊ साठे स्मारक समिती बुट्टीबोरी), तसेच अंकुश बावणे (विदर्भ सरचिटणीस, लहुजी शक्ती सेना) यांच्या हस्ते वैष्णवीचा पुष्पगुच्छ देऊन सत्कार करण्यात आला.

🌸 स्वागतावेळी गावकऱ्यांचा उत्साह ओसंडून वाहत होता. बसस्थानकावर संपूर्ण गाव एकत्र जमले होते. वैष्णवीचे आई–वडील हेमंत साने व पुष्पाताई साने यांनी लेकीला मिठी मारत अभिमानाने डोळ्यांतून आनंदाश्रू ढाळले.

🎉 यावेळी सौ. वंदना बावणे, सौ. अर्चनाताई जाधव (अध्यक्षा महिला आघाडी, लहुजी शक्ती सेना), श्रीमती कविता ताकतोडे, सौ. अल्काताई वानखेडे, गोपाल वानखेडे, पवन गायकवाड, चेतन उरकुडे, दीपक खडसे, चंद्रशेखर बाराहाते, बाबाराव मडावी, अनिल बावणे, बबलू साने, जितेंद्र गावंडे, शीलवान बोरकर, किरणताई साने, कविताताई आत्राम, अक्षरा साने, ऋषिकेश बावणे आणि इतर ग्रामस्थ मोठ्या संख्येने उपस्थित होते.

👉 वैष्णवीच्या मेहनतीने मिळविलेल्या या यशामुळे किरमीटी भारकसचे नाव उज्ज्वल झाले असून गावकऱ्यांनी तिचे मनापासून अभिनंदन केले.