📰 ओबीसीसह सर्व जातींची जातनिहाय जनगणना व्हावी – प्रा. रमेश पिसे

📰 ओबीसीसह सर्व जातींची जातनिहाय जनगणना व्हावी – प्रा. रमेश पिसे

नागपूर : मंडल दिनाच्या औचित्याने गोवा व राजस्थान (जयपूर) येथे राष्ट्रीय संवैधानिक हक्क परिषद मोठ्या उत्साहात पार पडली. या परिषदेतून एकमुखाने ठराव घेण्यात आला की ओबीसीसह सर्व जातींची जातनिहाय जनगणना केंद्र सरकारने तातडीने करावी.

परिषदेच्या अध्यक्षस्थानी सुनीता विलास काळे (अध्यक्ष, सत्यशोधक महिला विचार मंच) होत्या, तर उद्घाटन गोपाल ऋषीकर भारती (राष्ट्रीय संयोजक, राष्ट्रीय संयुक्त मोर्चा भारत) यांनी केले. विशेष उपस्थितीमध्ये प्रा. डॉ. रमेश पिसे (अध्यक्ष, अखिल तेली समाज महासंघ नवी दिल्ली), डॉ. कृष्णाजी बेले (राष्ट्रीय अध्यक्ष, ओबीसी क्रांती दल) आदी मान्यवर सहभागी झाले.

परिषदेत “ओबीसी आरक्षण – भ्रम आणि वास्तव” या पुस्तकाचे प्रकाशन झाले. यावेळी उपस्थित मान्यवरांचा शाल-दुपट्टा व मानचिन्ह देऊन गौरव करण्यात आला.

“जितकी संख्या भारी, तितकी भागीदारी” हा नवा संकल्प मांडत १९ महत्त्वाचे ठराव पारित करण्यात आले आणि ते केंद्र व राज्य सरकारकडे पाठविण्यात आले.

👉 पुढील टप्प्यात 27-28 सप्टेंबर रोजी पटना (बिहार) येथे पत्रकार परिषद व बैठक आयोजित होणार आहे. तर महाराष्ट्रात जागृती अभियान राबवून ओबीसी समाजाला संघटित करण्याचा निर्धार या परिषदेतून करण्यात आला.

📍 विदर्भ फोकस :
ऑक्टोबरच्या पहिल्या आठवड्यात विदर्भातील ११ जिल्ह्यांत संविधानिक न्याय हक्क परिषद व जनजागृती यात्रा आयोजित होणार आहे. यात ओबीसी क्रांती दल, राष्ट्रीय संयुक्त मोर्चा, ओबीसी जनमोर्चा, अखिल तेली समाज महासंघ व इतर समविचारी संघटना सहभागी होणार आहेत.

✨ प्रमुख मागणी

👉 केंद्र सरकारने संपूर्ण राज्यात ओबीसीसह सर्व जातींची जातनिहाय जनगणना करून, लोकसंख्येच्या प्रमाणात आरक्षणाची योग्य विभागणी करावी.