मलकापूर पांग्रा : अतिक्रमण हटविण्यासाठी आमरण उपोषण

मलकापूर पांग्रा प्रतिनिधी :
मलकापूर पांग्रा येथील ग्रामपंचायतीच्या मालकीच्या सार्वजनिक मुत्रीघर व खरेदी-विक्री संघाच्या गोडाऊनकडे जाणाऱ्या सुमारे २० फूट रुंद रस्त्यावर करण्यात आलेल्या अतिक्रमणाविरुद्ध सामाजिक कार्यकर्ते शेख हनिफ बागवान यांनी प्रजासत्ताक दिनी ग्रामपंचायत सचिवालयासमोर आमरण उपोषण सुरू केले.
सामाजिक कार्यकर्त्यांच्या उपोषणामुळे ग्रामपंचायत अधिकाऱ्यांनी एका महिन्याच्या आत कायदेशीर कारवाई करून रस्ता मुक्त करण्यात येईल असे लेखी आश्वासन दिले. या आश्वासनानंतर उपोषण संपवून कार्यकर्त्यांना नींबू शरबत देऊन औपचारिक सांगता करण्यात आली.
उपोषणास उपस्थित होते: गुलशेर खासाब, माजी उपसरपंच भगवान साळवे, माजी ग्रामपंचायत सदस्य अजहरखा पठाण, माजी सरपंच साबेर पठाण, ग्रामपंचायत सदस्य राजू साळवे, अर्जुन मगर, मुबारक पठाण, ग्रामपंचायत सदस्य नामदेव उगले, माजी सरपंच बंडू उगले, मन्नान कुरेशी, गोपाल टाले, अंबादास टाले, बीट जमादार निवृत्ती पोफळे, मंडळ अधिकारी प्रेमानंद वानखेडे, तलाठी प्रभाकर बाविस्कर, पत्रकार पवन मगर, फकिरा पठाण, गंगाराम उबाळे यासह गावातील शेकडो नागरिक उपस्थित होते.
स्थानीय रहिवाशांचे म्हणणे आहे की, बसस्थानक परिसरात असलेला रस्ता अतिक्रमित झाल्यामुळे मोठा त्रास होत होता. वारंवार तक्रारी करूनही कारवाई न झाल्यामुळे समाजसेवकांनी प्रजासत्ताक दिनी ध्वजारोहणानंतर उपोषणास सुरुवात केली होती. या घटनेची दखल घेत गटविकास अधिकारी अजित बांगर यांनी उपोषणकर्त्याशी भ्रमणध्वनीवरून चर्चा करून अतिक्रमण लवकर हटविण्याचे ठोस आश्वासन दिले.
ग्रामपंचायतच्या आश्वासनानुसार एक महिन्याच्या आत कायदेशीर कारवाई करून रस्ता पूर्णपणे अतिक्रमणमुक्त करण्यात येईल, असे अधिकारी उद्धव गायकवाड यांनी सांगितले.